د نیکمرغه لوی اختر د رارسیدو له امله د ولسي جرګې د مبارکۍ پیغام

وَإِذْ جَعَلْنَا الْبَیتَ مَثَابَةً لِّلنَّاسِ وَأَمْناً وَاتَّخِذُواْ مِن مَّقَامِ إِبْرَاهِیمَ مُصَلًّى وَعَهِدْنَا إِلَى إِبْرَاهِیمَ وَإِسْمَعِیلَ أَن طَهِّرَا بَیتِی لِلطَّائِفِینَ وَالْعَاکِفِینَ وَالرُّکَّعِ السُّجُودِ(بقره-125)

نیمکرغه لوی اختر، د ابراهیم او اسماعیل د سرښندنې او بندګۍ اختر راورسید، تر څو په دې پوه شو، چې څرنګه ستر څښتن تعالی ته د نږدیوالي په لاره کې له نورو لارو لاس په سر او هر هغه څه چې خدای یې امر کوي، اطاعت وکړو.

ولسي جرګه ددې سترې ورځې د رارسیدو له امله، چې له الله ج سره د ارادې، مینې او وفادارۍ ښکارندوی ده، د افغانستان مومن او مسلمان ملت په ځانګړي ډول د شهیدانو کورنیو، معلولینو او معیوبینو، یتیمانو او کونډو ته مبارکي وايي، د ستر څښتن تعالی له درباره هیله کوي، چې د نیمکرغه لوی اختر په برکت په ګران هیواد افغانستان کې سراسري سوله، بشپړ امنیت، هوساینه او نیکمرغي راشي.

ولسي جرګه